Орынбор облысы Ясный каласында стратегиялық ракеталық әскер базасына жақын жерден жарылыс естілді. Бұл жөнінде жергілікті тұрғындарға сүйенген "Урал56" жазды.
Куәгерлер жариялаған суретте қою көк түтіннің көтерілгені көрінеді.
Жергілікті тұрғындарға сүйенген ArbatMedia ракетаны ұшырған кезде оның әуеде жарылғанын жазды.
Әскери телеграм-арналары жарылысты "Сармат" немесе УР-100Н ракеталарының сәтсіз сынағымен байланыстырады.
Украинаның Defense Express басылымының жазуынша, түтіннің түсі улы отын пайдаланатын ракеталарға ғана тән.
MilitaryRussia порталы Ясный полигонынан Р-36М2 "Воевод" немесе "Сармат" ракеталары сәтсіз ұшырылған болуы мүмкін деп топшылады.
Билік ресми түрде түсініктеме бермеді. Аймақ үкіметі "халыққа қатер жоғын" және "халықты эвакуациялауға негіз жоқ" деп мәлімдеді.
Ясный қаласына жақын маңда айлақ және стратегиялық ракеталық әскери база шоғырланған. Сол жақта ядролық оқтұмсығы бар құрлықаралық ракеталарды ұшырған болуы мүмкін.
2023 жылы Ясныйда "Авангард" жаңа ракеталық кешенін қарумен қайта жабдықтау басталған еді.